Tähran cıyılışı

Törkiyä Böyek Millät Maclese räise Binali Yıldırım İran başqalası Tähranda terrorçılıq häm êkstremizm belän köräşkä bağışlanğan parlament citäkçeläre cıyılışında qatnaştı. Anda çığış yasap, ul töbäktäge problemalarnıñ çişelüe häm borçu-xäsrätlärneñ tämamlanuı telägen citkerde. Bu nisbätttän Törkiyäneñ İran häm Rusiyä belän xezmättäşlekne däwam itärgä qararlı buluın da äytte.

Binali Yıldırım assızıqlağança, terrorçılıq belän köräştä töbäk xezmättäşlegeneñ uñışı öçen başta töşençä häm söylämnärdä berdämlekkä ireşergä kiräk. “Ägär ber il öçen terrorçı bulğan oyışmanı ikençe däwlät terrorçı bularaq tanımasa - monda alğa kitü awır bulır,”-di ul.

Yıldırım Süriyädäge watandaşlar suğışı häm terrorçılıq waqıyğaların telgä alıp, Törkiyäneñ yaqınça 4 million süriyälene sıyındıruın xäterlätte. “Monı çın küneldän başqarabız, ämma bu tüläwne xalıqra cämäğat’çelekneñ üzara büleşüe kiräk,”-di mäcles räise. Ul kiläse cıyılışnıñ Törkiyädä uzaçağın belderde. Anda Tähranda äytelmägän qayber mäs’älälär kütäreläçäk. Yıldırım İstanbuldağı cıyılışta tağın da anıq näticälärgä ireşergä ömetlänülären assızıqladı.