Qoyıda tikşerü ütkärergä röxsät birmädelär
Soğud Ğaräbstanınıñ İstanbuldağı baş konsullığı konsullıq baqçasındağı qoyıda tikşerü ütkärergä röxsät birmägäç qoyıdan barı tik su ğına alındı
Jurnalist Cämal Qaşıqçı cinayäten tikşerü belän bäyle êşçänleklär däwam itä.
İminlek köçläre Soğud Ğaräbstanınıñ İstanbuldağı baş konsullığında häm konsul yäşägän toraqta dälil êzlädelär.
Soğud Ğaräbstanınıñ İstanbuldağı baş konsullığı Cämal Qaşıqçı cinayäten tikşerü qısasında konsullıq baqçasındağı qoyıda tikşerü ütkärergä röxsät birmäde.
Qoyıdan tikşerü öçen barı tik su ğına alındı.
Tikşerü qısasında uzğan atnanıñ comğa könendä konsullıq xezmätkärlärennän soraw ala başlağannar ide.
Bügengä qadär şahit sıyfatında 38 keşedän soraw alındı.
Soğud Ğaräbstanı jurnalistı Cämal Qaşıqçı 2 nçe oktyabr’dä räsmi êşlär öçen Soğud Ğaräbstanınıñ İstanbuldağı baş konsullığına kilgännän soñ yuğalğan ide.
Soğud Ğaräbstanı citäkçelege 20 nçe oktyabr’dä yasağan belderüendä Qaşıqçınıñ konsullıq binasında kilep çıqqan tawış-ğawğa,cäncal näticäsendä ülüen açıqladı.
Bäyläneşle xäbärlär
Ber atna êçendä 38 terrorçı täêsirsez xälgä kiterelde
Bu xaqta Törkiyä milli saqlanu ministrlığınıñ matbuğat cıyılışında citkerdelär