Ärdoğannı orden belän büläklädelär

Älege kükräk bigese illär arasındağı duslıqnıñ üseşen häm xalıqlarnıñ ber-bersenä yaqınlaşuların täêmin itkän däwlätlärneñ liderlarına, ilçelärenä yäisä ministrlarına birelä

1070938
Ärdoğannı orden belän büläklädelär

Moldovada Törkiyä ilbaşı Räcäp Tayyip Ärdoğanğa orden birelde. Ul älege däwlätkä räsmi zıyarät belän kitkän ide.

Moldova däwläte başlığı İgor Dodon Törkiyä belän ile arasındağı duslıq mönäsäbätläre, törle tarmaqlardağı xezmättäşlek häm şul uq waqıtta ilenä birgän yärdäme öçen Ärdoğannı Cömhüriyät ordenı belän büläkläde.

 Moldova räsmi dairälärennän belderülärençä, älege kükräk bigese illär arasındağı duslıqnıñ üseşen häm xalıqlarnıñ ber-bersenä yaqınlaşuların täêmin itkän däwlätlärneñ liderlarına, ilçelärenä yäisä ministrlarına birelä. Altın belän yögertelgän orden ministrlar kabinetı qararı häm ilbaşı iniśiativası belän tapşırıla.

İke däwlät başlığı qarşında soñınnan Törkiyä häm Moldova arasında 5 tarmaqta kileşügä qul quyıldı.  Alarnıñ berse qısalarında ike il arasında çit il pasportı urınına şäxes tanıqlığı belän säyäxät itü mömkin bulaçaq.  

Ärdoğan häm Dodon, şulay uq, töreklär belän bergä tözekländerelgän istälek taşın açuda da qatnaştı. Ul ilbaşı idaräseneñ baqçasında urnaşqan. İke lider älege baqçada üz isemnärennän utırtılğan ağaçlarğa da su sipte.  



Bäyläneşle xäbärlär