Ärdoğan Moldovada mädäniyät yortı açtı

Mädäniyät yortı Änkaranıñ Altındağ rayonı xakimiyäte tarafınnan tözekländerelde

1071445
Ärdoğan Moldovada mädäniyät yortı açtı

İlbaşı Räcäp Tayyip Ärdoğan Gagauziyägä küp sanda yana ob’yektlar töziyäçäklären söyläde. Bu xaqta ul Komratta Mädäniyät yortı açılğanda belderde. Älege şähär Gagauz üzidaräle töbägeneñ başqalası. Açılış tantanasında Moldova däwläte başlığı İgor’ Dodon häm Gagauz üzidaräle töbäge räise İrina Vlax qatnaştı. Mädäniyät yortı Änkaranıñ Altındağ rayonı xakimiyäte tarafınnan tözekländerelde.

Ärdoğan üz çığışında: “Sezne üz isememnän, delegaśiyäm häm 81 million Törkiyä xalqı isemennän yöräktän sälamlim,”-dide. Ul bügenge çarada borçılularınıñ taraluın belderde häm Gagauz üzidaräle töbägendäge êşlärgä öleşe kergännärgä räxmäten citkerde. “Bügen qabat birgän süzlärebez bar, inşallah bu süzlärne dä cirenä citkererbez,”-dip söyläde Ärdoğan. Ul biredä başqa ob’yektlarnı da töziyäçäklären häm monı gagauz xalqına büläk itäçäklären ışandırdı.  

İlbaşı çığışınıñ axırında kürsätkän xörmätläre öçen barlıq Gagauz üzidaräle töbäge xalqına räxmäten belderde.

Moldova ilbaşı Dodon isä üz çığışında bügen tarixi waqıyğağa şahit buluların häm moña Ärdoğannıñ kilüe säbäpçe ikänen belderde.

Gagauz üzidaräle töbäge räise Vlax  Törkiyäneñ gagauz xalqına nıq yärdäm itüen, açılğan mädäniyät üzägeneñ küptän kötelüen söyläde

Çığışlardan soñ binanı açtılar. Ärdoğan, Dodon häm Vlax şunnan soñ êçkä ütep tözekländerülärne qaradılar. Säxnädä fol’klor törkeme çığışı buldı. Ärdoğanğa anda gagauz skripkasın büläk ittelär.

Törkiyä ilbaşı Komrat şähärendä xastaxanä açılışında da qatnaştı.



Bäyläneşle xäbärlär