Ärdoğan Moldovada oçraşular ütkärä

Söyläşülär waqıtında ikeyaqlı mönäsäbätlär, regional’ mäs’älälär häm terrorçılıq belän köräş xaqında süz buldı

1070710
Ärdoğan Moldovada oçraşular ütkärä
dodon-erdogan1.jpg

İlbaşı Räcäp Tayyip Ärdoğan Moldovanı Fätxullaxçı terrorçı oyışması mäs’äläsendä kisätte. Bügen Törkiyä ilbaşı älege ilgä räsmi säfär belän kitte. Anı Kişinyev aêroportında Moldova däwlät başlığı İgor’ Dodon belän xatını qarşı aldı. Räcäp Tayyip Ärdoğan häm Äminä xanım öçen ilbaşı sarayında räsmi tantana oyıştırıldı. Şunnan soñ küzgä-küz häm delegaśiyälär arası oçraşularğa küçtelär.  

Söyläşülär waqıtında ikeyaqlı mönäsäbätlär, regional’ mäs’älälär häm terrorçılıq belän köräş xaqında süz buldı.

 Törkiyä belän Moldova arasında ike däwlätneñ tormışına qurqınıç yanağanda hiçşiksez yärdäm itüne küz uñında totqan strategik urtaqlıq açıqlawı imzalandı.   

Söyläşülärdän soñ Ärdoğan häm Dodon urtaq matbuğat oçraşuı ütkärde. Anda Törkiyä ilbaşı FETO belän köräşne telgä aldı. Ul bu mäs’älädä moldovannarnıñ yärdämenä tayanuın belderde. Ärdoğan FETOnıñ qorallı köçlär, iminlek xezmätläre, xökem itü sisteması, däwlätneñ barlıq bülemnärenä yäşeren räweştä oyalağan terrorçılıq oyışması buluın söyläde.

İke däwlätneñ mönäsäbätlärenä kilgändä,  tizdän Moldovada Törkiyäneñ ike däwlät bankınıñ filialları açılaçaq. Ärdoğan beldergänçä, bolar Xalık bankı häm Ziraat bankı.  

Moldova ilbaşı Dodon da Törkiyäneñ ileneñ tınıçlığın täêmin itüdä häm Gagauz uzidaräle töbäge mäs’äläsen çişüdä da möhim rol’ uynawın belderde. “Törkiyä milli mänfäğat’lärebezne saqlaw häm yaxşı mönäsäbätlär tözü yağınnan yaxşı ürnäk,”-dide ul.   

Dodon ilneñ qanunnarında Gagauz üzidaräseneñ dä küzdä totılaçağın ışandırdı. 



Bäyläneşle xäbärlär