Törkiyä säwdä ministrı Londonda

Päkcan Angliya başqalası Londonda ike kön däwam itäçäk programmasınıñ berençe könendä Törkiyäneñ London ilçelege binasında Angliyanıñ möhim xatın-qız êşmäkärläre belän oçraştı.

Cıyılışta Törkiyä belän Angliya arasındağı iq’tisadi häm säwdä êlemtälären tağın da üsterergä teläwlären belderüçe Päkcan iq’tisad ölkäsendä xatın-qız êşmäkärläreneñ möhim köç buluına basım yasadı.

İctimağıy mullıq häm il mullığı öçen xatın-qız êşmäkärläreneñ êş tormışında tağın da kübräk urın aluınıñ, üz êşlären urnaştırunıñ ähämiyätle buluın assızıqlawçı Päkcan Törkiyädä êşmäkärlärgä kürsätelgän bulışlıq turında mäğ’lümat birde.

“Chatham House” Töşençä oyışmasınıñ yuğarı däräcäle citäkçese Robin Niblett belän küreşep söyläşkän ministr Päkcan soñınnan oyışmadağı cämäğat’çelek fiker iyäläre belän dä söyläşte.

Angliya säwdä säyäsäte ministrı Djordj Hollingerri belän dä oçraşaçaq Päkcan çärşämbe könne Törkiyä-Angliya iq’tisad häm säwdä urtaqlığı komitetınıñ 6nçı çirattağı cıyılışında qatnaşaçaq.

Cıyılışta ike il arasında säwdä häm kapital salu bäyläneşläre, bazarğa kerü mömkinlekläre, podryadçik häm texnik konsul’taśiya xezmätläre, finans xezmätlär kebek küp törle mäs’älälär quzğatılaçaq.

Viza häm turizm mäs’äläläre, ênergetika kebek ölkälärdä xezmättäşlek mömkinlekläre dä söyläşeläçäk cıyılışta belem häm innovaśiya mäs’älälärendä başqarıla alınaçaq urtaq êşçänlekkä tuqtalıp uzılaçaq.

Cıyılış axırında Törkiyä-Angliya iq’tisad häm säwdä urtaqlığı komitetınıñ 6nçı çirattağı cıyılışnıñ kileşü börketmäsenä Ministr Päkcan belän Angliya Xalıqara säwdä ministrı Liam Foksnıñ imza saluı küzdä totıla.

Londondağı oçraşuları qısalarında Päkcan ayıruça Säwdä ministrlığınıñ koordinaśiyäsendä häm Tışqı iq’tisadi mönäsäbätlär şurası belän Angliya xalıqara säwdä ministrlığının oyştıruında uzdırılaçaq "Törkiyä-Angliya êş forumı”nıñ açılışında da qatnaşaçaq. Päkcan Londondağı Törek säwdä üzägen dä açıp cibäräçäk.