Ärdoğan Qırğızstanğa kitä

Ul oçqıçına Törkiyädäge xärbi akademiyädä uqığan 2 qırğız leytenantın da çaqırdı

1041242
Ärdoğan Qırğızstanğa kitä

İlbaşı Räcäp Tayyip Ärdoğan 1nçe-3nçe sentyabr’ könnärendä räsmi säfär belän Qırğızstanda bula. Ul oçqıçına Törkiyädäge xärbi akademiyädä uqığan 2 qırğız leytenantın da çaqırdı. İlbaşı öçençe kön alarnıñ çığarılış tantanasında qatnaşqan ide. Uqu yortında çit illärdän kilgän 80 xärbi xezmätkär belem ala. Ärdoğan alar arasında 2 qırqızstanlınıñ da buluın belgäç, illärenä alıp qaytu öçen oçqıçına çaqırdı. Şerali Marasulov belän Akşol Nursulanbäkoğlu bügen maxsus reys belän oça.

 “Yaña tabadan töşkän” leytenantlar Törkiyägä 5 yıl êlek kilgän. Alar xärbi akademiyädän diplom alıp çığuları belän ğorurlana. Akşol Nursulanbäkoğlu beldergänçä, anda belem birü bik yuğarı sıyfatlı. Ul üzeneñ Qırğızstanda xärbilärne öyrätergä äzer buluın äytä.

Törkiyä ilbaşı isä Qırğızstanda räsmi oçraşularda qatnaşaçaq. Ul başqala Bişkäktä däwlät başlığı Sooronbay Cäänbäkov belän küreşep söyläşäçäk. Monnan tış, anı Törki şuranıñ cıyılışında kötälär. Ärdoğannıñ kön tärtibendäge tağın ber möhim çara - Törkiyä-Qırğızstan yuğarı däräcäle strategik xezmättäşlek şurası utırışı.



Bäyläneşle xäbärlär