Rusiyä S-400lärne tapşırunı tizlätergä teli

Rusiyä S-400 hawa saqlanu sistemalarınıñ 2019nçı yılda Törkiyägä tapşıralaçağın belderde. Bu xaqta ilneñ saqlanu sänäğate şirkäte Rostexnıñ xalıqara xezmättäşlek häm töbäk säyäsäte direktorı Viktor Kladov xäbär itte.

Ul S-400 hawa saqlanu sistemaları, urtaq xärbi oçqıç çığaru, xärbi-texnik häm başqa sänäğat’ tarmaqlarındağı proyektlar belän bäyle belderülär yasadı. Kladov Rusiyä belän Törkiyä urtaqlığında 5nçe buın xärbi oçqıç çığaru öçen ozın konsul’taśiyä prośessına ixtıyac buluın assızıqladı. “Mondıy zur proyekt öçen yaqlarnıñ qızıqsınuı ğına citärlek tügel, şul uq waqıtta urtaq êş öçen äzer buluları da kiräk,”-dide ul. Kladov xärbi oçqıç uylap çığarunıñ citdi ğamäl buluına basım yasıy.  “Ägär mondıy qarar çığarılsa, Rusiyä häm Törkiyäneñ bu proyektnı dön’yağa aşıru öçen ähämiyätle texnologik häm sänäğat’ asqormasına iyä buluına şiklänmim,”-dip belderde räsmi zat.

Viktor Kladov fikerençä, S-400 kileşüe ike il arasında xärbi-texnik xezmättäşlekne arttıru häm üsterü öçen möhim adım. Ul Törkiyägä saqlanu sistemaların yasap tapşırunı tizräk başqarırğa teläwlären alğa sörde. “Berençesen 2019nçı yılda birergä planlaştırabız. S-400lär hawadan kilergä mömkin barlıq yanawlarnı yuqqa çığara aluçı, dön’yada oxşaşı bulmağan saqlanu sisteması,”-dip belderde Rostex wäkile.