İlçelӓr konferenŝiyase başlana

10nçı tulı wӓqalӓtle ilçelӓr konferenŝiyase bügen başlandı.

Törkiyӓneň çit illӓrdӓge ilçelӓre Ӓnkarada cıyıldı.

Konferenŝiyadӓn alda tışqı êşlӓr ministrı Mӓwlüt Çavuşoğlu Tışqı êşlӓr ministrlığınıň şӓhitlar ziratına bardı.

Çavuşoğlu: “Terror bӓlasın ciňӓr öçen bar köçebezgӓ körӓşӓçӓkbez,” – dide.

Mӓwlüt Çavuşoğlu annan soň Anıtkabergӓ kitte.

Çavuşoğlu 10nı tulı wӓqalӓtle ilçelӓr konferenŝiyaseneň açılışında da çığış yasayaçaq.

Konferenŝiya qısalarında bıyıl İlbaşı idarӓse xökümӓt sistemasınıň êşe hӓm êşçӓnlek ısulları belӓn dӓwlӓt oyışmasınıň qorılışına qarağan yaňalıqlar xaqında ilçelӓrgӓ mӓğlümat birelӓçӓk.

Rusiyӓ tışqı êşlӓr ministrı Sergey Lavrov, Slovakiya tışqı êşlӓr ministrı Miroslav Lajcak belӓn Sudan tışiqı êşlӓr ministrı Al-Dirdiri Mohamed Ӓxmӓt tӓ konferenŝiyadӓ qatnaşaçaq qunaq isemnӓr arasında bulaçaq.

Törkiyӓ ilbaşı Rӓcӓp Tayyip Ӓrdoğan isӓ İlbaşı idarӓse kölliyӓtendӓ ilçelӓr xörmӓtenӓ töşke aş mӓclese oyıştıraçaq.

Konferenŝiya soňınnan Konya şӓhӓrendӓ dӓwam itӓçӓk.

Tulı wӓqalӓtle ilçelӓr tışqı êşlӓr ministrı Çavuşoğlu belӓn bergӓ Konyağa baraçaq.