Marokko Törkiyä belän mönäsäbätlärne arttırırğa teli

Marokko parlamentı räise Äl-Xabib äl-Maliki Törkiyä belän mönäsäbätlärne törle tarmaqlarda üsterergä çaqırdı. Ul Törkiyäneñ Rabattağı ilçese Ätxäm Barkan Özne qabul itte. Oçraşuda ike tarafnıñ duslığı häm ber-berenä xörmätenä basım yasaldı, urtaq ähämiyätkä iyä mäs’älälärdä däwlätlär arasında äñgämäneñ kiräklege äytelde. İlçe Öz dä Törkiyä belän Marokko arasındağı tarixi mönäsäbätlärne iskä töşerde, şulay uq, ike däwlätneñ ber-bersenä teläktäş häm berlektäş buluın söyläde.  Ul Törkiyä investorlarınıñ Marokkonıñ totrıqlılığı, strategik urnaşuı häm Afrika qıytğasına açıluı öçen bu il belän qızıqsınuların belderde. Älege wäzğıyät’ däwlätlär arasında xezmättäşlekne üsterü öçen zur forsat bulıp tora.