Törkiyädä 20 yaña böcäk töre açıqlandı

Manisa Cälal Bayar universitetınnan ber törkem belgeç Êgey häm Êçke Anadolu töbäklärendä 20 yaña böcäk töre taptı

1007050
Törkiyädä 20 yaña böcäk töre açıqlandı

Böcäklärneñ awıl xucalığı, êkologiya häm mediśinada ähämiyätläre turında tikşerenülär ütkärüçe Manisa Cälal Bayar universitetınnan ber törkem belgeç Êgey häm Êçke Anadolu töbäklärendä 20 yaña böcäk töre taptı. Dośent Sinan Anlaş yaqınça 15 yıldır böcäklärneñ tirä-yaq möxitkä häm awıl-xucalığı citeşterüçänlegenä yoğıntısın öyränä. Belgeçlär Törkiyäneñ häm dön’yanıñ bik küp cirennän cıyğan meñnärçä böcäklärneñ ürnägen Alaşähärdä tözelgän muzeyda kürgäzmägä quyalar.

Sinan Anlaş beldergänçä, Törkiyä bio-törlelek yağınnan dön’yanıñ aldınğı illärennän berse. Alar monı öyränü öçen 5 yıl êlek Törkiyä fänni häm texnologik tikşerenülär oyışması yärdäme belän 2 proyekt başlıylar. Êgey häm Êçke Anadolu töbäklärendä kübese qoñğız sıynıfına kerüçe 60tan artıq yaña tör açıqlana. Bolarnıñ 40ı xaqında inde fänni mäqalälärdä yazıp dön’yağa beldergännär. 20se äle yaña açış häm anı täwge tapqır iğ’lan itälär.  



Bäyläneşle xäbärlär