“Süriyädä bäreleşlärne tuqtatu öçen Törkiyä zur tırışlıq quya”

Törkiyä tışqı êşlär ministrı Antaliyada säxär aşı programmasında yasağan çığışında terrorğa qarşı köräştä qatğıylıqqa basım yasadı

989097
“Süriyädä bäreleşlärne tuqtatu öçen Törkiyä zur tırışlıq quya”

 

 Törkiyä tışqı êşlär ministrı Mävlüt Çavuşoğlu terrorğa qarşı köräştä qatğıylıqqa basım yasadı.

Ul Antaliyada säxär aşı programmasında yasağan çığışında Süriyäneñ häm Ğıyraqnıñ tönyağındağı “PKK” terror oyışması häm anıñ Süriyädäge törkeme “PYD/YPG”gä qarşı alıp barılğan operaśiyälärgä bäyä birde.

Tışqı êşlär ministrı Süriyädä bäreleşlärne tuqtatu öçen Törkiyäneñ zur tırışlıq quyuın assızıqladı.

Çavuşoğlu:”Çik ar’yağın terrorçılardan arındırıp töbäk häm il iminlege öçen kiräkle bulğannı başqardıq”,- dide.

Çavuşoğlu Mänbiç töbägen dä terrorçılardan çistartu öçen monıñ belän bäyle yul kartası mäs’äläsendä Amerika Quşma Ştatları belän kileşü täêmin itülären belderep, bu töbäkdä totrıqlılıq urnaşqannan soñ süriyälelärneñ anda da qayta başlayaçaqların citkerde.

Üz çığışında Ğıyraqnıñ tönyağındağı Kandil töbägendä “PKK”ga qarata operaśiyägä dä tuqtalıp “Bügen bez anda kitmäsäk ,irtägä andağı terrorçılar  bezneñ cirlärebez öçen yanaw täşkil itär” dide.  

 



Bäyläneşle xäbärlär