Ärdoğan belän Mêynıñ matbuğat kiñäşmäse

Törkiyä ilbaşı Räcäp Tayyip Ärdoğan tarixnıñ AQŞnı häm İzrail’ne ğafu itmäyäçägen söyläde. Ul räsmi säfär belän Angliyada. Xökümät räise Tereza Mêy belän küreşkännän soñ urtaq matbuğat kiñäşmäse uzdırıldı.   

Ärdoğan anda İzrail’neñ fälästinlelärgä kürsätkän dähşäten tağın ber tapqır läğ’nätläde. Şulay uq, AQŞnıñ bu waqıyğalarğa säbäpçe bulğan “ilçelekne Qudüskä küçerü qararı”n berqayçan da qabul itmäyäçäklären belderde.  

Ärdoğan fikerençä, Berläşkän Millätlär oyışmasınıñ kiçekmästän xäräkät itep bu zolımnı tuqtatuı kiräk. Ul Gazzä çigendä 60 fälästinlene şähit itüçelärgä AQŞnıñ quät birep toruın assızıqladı. Ärdoğan älege däwlätneñ töbäktäge kiyerenkelekne çişüdä aradaşçı tügel, tarafçı buluın belderde.  “60 fälästinleneñ ğomere özelügä häm 2 meñ 500 keşeneñ yaralanuına säbäpçe bulğan höcümnär şul säyäsätneñ näticäse. Bu dähşätne tağın ber qat läğ’nätlim. İzrail’ üzen köçle häm xaqlı sanap xäräkät itä,”-dide ilbaşı.   

Ärdoğan comğa könne İstanbulda uzaçaq İslam xezmättäşlek oyışmasınıñ ğadättän tış sammitında dön’yağa bik köçle ber möräcäğat’ yasalaçağın belderde.

İlbaşı çığışında terrorçılıq mäs’äläsen dä telgä aldı. Ul Tereza Mêyğa Fetxullahçı häm PKK äğ’zalarınıñ isemlegen birüen äytte. “Alar totılıp bezgä cibärelsä, terrorçılıqqa qarşı urtaq köräşebez däwam itäçäk,”-dide Ärdoğan.  

İlbağı Angliya xökümäte räise Mêynı tiz arada Törkiyädä kötüen äytte.

Tereza Mäy üz çığışında Törkiyäneñ 3,5 millionnan artıq süriyälene sıyındırıp, kürsätkän ğadättän tış yumartlığına räxmät belderde.