Törkiyä Fälästindäge waqıyğalar belän bäyle diplomatiyäsen däwam itterä

 Kiçä İzrail’neñ Fälästin xalqına qarata küpläp üterülärennän soñ Törkiyä diplomatik höcümgä küçte.

Törkiyä tışqı êşlär ministrı Mävlüt Çavuşoğlu Amerika Quşma Ştatları ilçelegen Tel’-Avivtan Qudüskä küçerü häm Ğazzä çik buyındağı waqıyğalardan soñ Yordaniya,İndoneziya,İran tışqı êşlär ministrları häm İslam xezmättäşlek oyışması ğomum särqätibe belän telefonnan söyläşte.

AQŞ ilbaşı Trampnıñ êlegräk qabul itkän qararı nigezendä AQŞnıñ Tel-Avivtağı tulı wäqalätle ilçelegen kiçä räsmi räweşta Qudüskä küçerüe töbäktä kiyerenkelekkä säbäpçe buldı.

İzrail’ ğaskärläre protest çaralarında qatnaşuçı 60 fälästinlene şähit itte,2770 tän kübräk keşe yaralandı.

İzrail’neñ fälästinlelärgä qarata höcümenä kisken reakśiya beldergän Törkiyä 3 könlek matäm iğ’lan itte.