Törkiyä ilbaşı barlıq änilärne qotlıy

Törkiyä ilbaşı Räcäp Tayyip Ärdoğan 13nçe may – Änilär köne uñayınnan güzäl zatlarğa möräcäğaten citkerde.

969598
Törkiyä ilbaşı barlıq änilärne qotlıy

Törkiyä ilbaşı Räcäp Tayyip Ärdoğan 13nçe may – Änilär köne uñayınnan güzäl zatlarğa möräcäğaten citkerde.

“Täwge doğa uquçıbız, bezgä härwaqıt märxämät häm şäfqat’ kürsätüçe, sıyındıruçı häm saqlawçıbız bulğan Änilärne bäyrämnäre belän qotlıym. Änilär dön’yağa kilep awaz salğan mizgeldän başlap soñğı sulışıbıznı alğanğa qadär bezneñ öçen ışanıçlı yar buyıbız,  xozurlı öyebez, säfqat’le qoçağıbızdır. Äni – här keşeneñ serdäşe, dustı häm iptäşe.

Balalarınıñ bäxete, kiläçäge öçen üzlären fida itkän, aşamıyça aşatqan, gizmiçä gizdergän änilärneñ xaqların berqayçan da üti almıybız.

Täwge adımnı yasağanda da, êşli başlağanda da artıbızda bezgä quät birüçe, tormışqa äzerläwçe, yaxşığa öndäp, naçarlıqtan yıraq totırğa tırışuçı änilär torır. “Cännät änilärneñ ayaq astında” digän süzlärne başıbıznıñ tacı bularaq qabul itärgä kiräk. Änilär bezneñ öçen bäräkät, doğa, berençe uqıtuçı. Söyüne, xörmätne, şäfqat’ne, äti-änigä ixtiramnı üzenä şiğar’ itüçe millätkä berkem dä zarar bira almayacağına ışanam.

Ğomerlären ğailälärenä bağışlawçı, härwaqıt xörmätneñ iñ zurısın xaq itüçe änilärebezneñ bäyrämen qotlıym, axirätkä küçkän änilärneñ ruxı qarşında räxmät häm küñel burıçı belän baş iyäm”,-dide Törkiyä ilbaşı Räcäp Tayyip Ärdoğan üzeneñ Änilär köne uñayınnan xäzerlägän möräcäğatendä.      



Bäyläneşle xäbärlär