"Qor’än-i Kärim qıyamätkä qadär saqlanaçaq"

İlbaşı idaräse süzçese İbrahim Qalın izge kitap Qor’än-i Kärimneň qıyamätkä qadär saqlanaçağın belderde.

Franŝiyadä 300 yazuçı häm säyäsätçe Änkaranıň reakŝiyasen tudırğan taläp citkerde.

Aralarında êlekke Franŝiya ilbaşı Nikola Sarkozi dä bulğan ul şäxeslär qırıslıq häm yähüd doşmanlığı taratuı däğwası belän Qor’än-İ Kärimnän qayber ayätlärneň çığarıluın taläp itte.

İlbaşı idaräse süzçese İbrahim Qalın moňa reakŝiya belderde.

Qalın Twitterda tübändägeçä yazdı: “Qor’än-i Kärim berkemneň dä puzzlı tügel. Ul izge kitabıbız. Bezgä äytelgänçä qıyamätkä qadär saqlanaçaq. Anti-semitizm - Awrupada barlıqqa kilgän näfrät ideologiyase. Bu problemanı çişergä telägän könbatışlılar üzlären

Törkiyäneň tışqı êşlär ministrı Mäwlüt Çavuşoğlu da qayber franŝuz yazuçı häm säyäsätçelärneň Qor’ännän qayber ayätlärneň çığarıluın teläwläre belän bäyle bularaq: “Bu - rasaçılıqta, İslam doşmanlığında ireşelgän wazğiyätneň kürsätkeçe. Çiklären uzdılar. Bolar şulay söyläşkändä närsälär bula? Awrupada cämiğlarğa höcüm itälär,” – dide.

Çavuşoğlu tübändägeçä däwam itte: “Tarix buyı sez yähüdlärgä zolım ittegez. Yähüdlärne Ğosmanlı däwläte häm Törkiyä Cömhüriyäte yaqladı. Bez yähüdlärgä doşman tügel. Bu dinebezdä häm Qor’ändä yuq. Awrupada bügenge köndä rasaçılıq, naçar möğamälä, qaçaqlarğa qarata doşmanlıq küzätelä. Rasaçı partiyalär arttı. Sin başta bolarnı tuqtat. Kemgä sabaq birergä telisen?”