Yıldırım S-400 bäxäslärenä noqta quydı

Xökümät räise Binali Yıldırım NATO däwläte Törkiyäneñ Rusiyädän S-400 hawa saqlanu sistemaları aluı xaqındağı bäxäslärgä noqta quydı. Ul İspaniyağa räsmi säfäre waqıtında jurnalistlar belän oçraştı. Anda S-400lärneñ NATO sistemaları belän yaraşmawı belän bäyle soraw buldı. “Greśiya NATO däwläte tügelme? Anda da rus raketası bar. Bu sorawnı alarğa birdelär mikan? Monda ikele standart kürenä,”- dip cawap birde Binali Yıldırım. Xökümät räise Törkiyäneñ NATO illärennän qoral alırğa teläwen, ämma bu taläpkä cawap birmäylären belderde.  “Ul qorallarnı aqça belän satıp alu mömkinlege birmädelär, ämma Süriyädäge terrorçılarğa buşlay öläşüçe duslarıbız bar. Bu mäs’älädä Törkiyäne berkem dä ğayepli almas,”-dip assızıqladı Yıldırım. Ul Törkiyäneñ milli iminlegen uylap bu adımğa baruına häm monnan NATOğa bernindi zarar kilmäwenä basım yasadı.