Ministrlar Mäskäwdä cıyıla

Törkiyä-Rusiyä-İran tışqı êşlär ministrları Mäskäwdä cıyıla

958975
Ministrlar Mäskäwdä cıyıla

Törkiyä tışqı êşlär ministrlığı Astana platformasınıñ garant illäre Törkiyä, Rusiyä häm İrannıñ tışqı êşlär ministrlarınıñ şimbä könne Rusiyä Federaśiyası başqalası Mäskäwdä cıyılaçağın xäbär itte.

Ministrlıqtan yasalğan yazma belderüdä Törkiyä Tışqı êşlär ministrı Mäwlüt Çavuşoğlunıñ Rusiyä xezmättäşe Sergey Lavrov häm İran xezmättäşe Cävad Zarif belän 28nçe aprel’dä Mäskäwdä oçraşaçağı äytelde.

Belderüdä: "Cıyılışta Astana mexanizmı qısalarında alıp barılğan xezmättäşlekneñ böten yaqları tikşereläçäk häm monnan soñ yasala alınaçaq adımnarğa tuqtalıp uzılaçaq”, - dip citkerelde.

Astana barışı Süriyädäge krizisnıñ çişeleşenä öleş kertü maqsatınnan çığıp öç ilneñ kereşüe belän täwge tapqır 2017nçe yılnıñ ğinwar ayında Qazaqstan başqalası Astanada başlatılğan ide.

Çavuşoğlu, Lavrov häm Zarif soñğı tapqır Astanada 15nçe martta ütkärelgän Süriyä temalı tışqı êşlär ministrları cıyılışında oçraşqan ide.



Bäyläneşle xäbärlär