Binali Yıldırım İspaniyağa kitä

Ministrlar Kabinetınıñ matbuğat idaräsennän yasalğan belderügä kürä, Yıldırım İspaniya premyer-ministrı Mariano Rajoynıñ çaqıruı qısalarında İspaniyağa baraçaq.

Törkiyä-İspaniya xökümätlärara 6nçı yuğarı däräcäle oçraşuda qatnaşaçaq Premyer-ministr Yıldırım İspaniya premyer-ministrı Rajoy, İspaniya Wäkillär palatası başlığı Ana Pastor belän küreşep söyläşäçäk häm üzen İspaniya patşası 6nçı Felipe qabul itäçäk.

Söyläşülär waqıtında Törkiyä-İspaniya mönäsäbätläre belän ber rättän ike ilneñ urtaq kön tärtibendä urnaşqan regional’ häm xalıqara mäs’älälär häryaqlap qarap çığılaçaq.

İq’tisadi êlemtälärne tağın da üsterü maqsatınnan çığıp Törkiyä häm İspaniya êşmäkärläre belän oçraşaçaq Premyer-ministr Binali Yıldırım säyäsätçelär, êş dönyası, diplomatik dairälär häm matbuğat öçen möhim rekomendaśiya urını itep qabul itelgän “Nueva Ekonomia” forumında qatnaşaçaq.

Yıldırım säfär qısalarında ispan matbuğat wäkilläre belän dä oçraşaçaq.