“Äsäd rejimınıñ ximik qoral qullanuı turında köçle dälillär bar”

Törkiyä ilbaşı idaräse süzçese İbrahim Qalın Süriyädä Äsäd rejimınıñ ximik qoral qullanuı belän bäyle köçle dälillär buluın belderep ,”2013 nçe yılda rejimğa citdi räweştä cawap qaytarılğan bulsa Süriyä krizisınıñ barışı üzgärä alır ide”dide.

Qalın “Daily Sabah” gazetında dönya kürgän “Öçençe bötendönya suğışı başlanamı?” isemle mäqaläsendä Süriyädäge täräqqiyät’lärgä bäyä birde.

İlbaşı idaräse süzçese bu sorawnıñ cawabınıñ “yuq” buluın belderde.

İbrahim Qalın Bäşar Äsäd rejimınıñ 7 nçe aprel’dä tağın ber tapqır ximik qoral qullanuı turında köçle dälillär buluın belderde.

Bötendönya sälamätlek saqlaw oyışmasınıñ Dumada yaqınça 500 keşeneñ ağulı ximik matdälärdän zıyan kürüen kürsätüçe işarätlär häm simptomnar säbäbe belän däwalanuın belderüen citkergän Qalın höcümdä 70 tän kübräk keşeneñ ğomere özelüeneñ farazlanuın äytte.  

İbrahim Qalın:”Rejimnıñ üz xalqına qarata ximik qoral qullanuı täwge tapqır tügel. 2013 nçe yılda moña oxşaş höcüm küzätelgändä Barak Obama mondıy varvarlıqnıñ qabatlanmawı öçen bernindi adım yasamadı”,-dide.

Obamanıñ bu uñışsızlığınıñ Rusiya häm İrannıñ Süriyä mäydanına bar köçlärenä kerülären täêmin itüen beldergän Qalın Äsäd rejimınıñ da bu räweşle bärep töşerelä genä digändä qabat canlanuın assızıqladı.