Ärdoğan Merkel belän söyläşte
İlbaşı Räcäp Tayyip Ärdoğan Germaniya Kanślerı Angela Merkel belän telefonnan söyläşte
Söyläşüdä ike yaqlı êlemtälär belän bergä Törkiyä-Awrupa Berlege mönäsäbätlärenä bäyä birelde.
İlbaşı idaräse çığanaqlarınnan alınğan mäğlümatkä kürä, atnakiçen ütkärelgän söyläşüdä Ärdoğan Germaniyada federal’ xökümätneñ räsmi räweştä wazıyfasına başlawı häm kanśler wazıyfasın qabat üz östenä aluı uñayınnan Merkelgä täbriklären citkerde häm uñışlar teläde.
İke lidernıñ Törkiyä häm Germaniya arasındağı dialognı häm xezmättäşlekne tizlätü mäs’äläsendäge qatğilıqların yañartqan söyläşü waqıtında qanunsız migraśiya belän köräş häm sıyınuçılar ölkäsendä bergä êşläwneñ möhimlegenä iğ’tibarnı yünältüe assızıqlandı.
“Terror oyışmalarına qarşı urtaq köräşneñ zarurlığına” basım yasalğan söyläşüdä 26nçı martta Bolgariyanıñ Varna şähärendä ütkäreläçäk Awrupa Berlege liderlar sammitınıñ ähämiyätenä tuqtalıp uzıldı.
İlbaşı Ärdoğan söyläşü forsatınnan çığıp Süriyäneñ Afrin töbägendä ütkärelüçe “Zäytün botağı” xäräkätenä qağılışlı mäğlümat belän dä urtaqlaştı.
Bäyläneşle xäbärlär
Terrorçılıqqa qarşı köräş
1 ğıynwardan bügengä qadär täêsirsez xälgä kiterelgän terrorçı sanı 748 buldı