Yıldırım: “Xatın-qızlar - köräş häm ömet gäwdäläneşe”

Prem'yer-ministr Binali Yıldırım 8nçe Mart Xalıqara xatın-qızlar köne mönäsäbäte belän yasağan yullamasında söyüneñ, fidaqärlekneñ, köräşneñ häm ömetneñ gäwdäläneşe bulğan böten xatın-qızlarnıñ könen qotladı.

Xatın-qızlarnıñ cämğiyättä layıq bulğan qimmäten kürä alunıñ śivilizaśiyalı cämğiyätneñ töp wazıyfalarınnan berse buluına iğ’tibarnı yünältüçe Yıldırım xatın-qızlarnıñ forsat tigezlege nigezendä xaq-xoquqqa häm irekkä qawışuınıñ böten dönyanıñ urtaq mäs’äläse buluın belderde.

“Oyendä yäisä êş dönyasında qimmät citeşterüçe, belem, säyäsät, mäğarif, mädäniyät, sänğät häm sport kebek ölkälärdä êşçänlek alıp baruçı böten xatın-qızlarıbız ilebez isemennän zur uñışlarnı tormışqa aşıra”, - dip äytüçe prem'yer-ministr xatın-qızğa qarata ayırımlılıqnıñ häm qırıslıqnıñ tulısınça beterelüe öçen bar köçläre belän êşläwlären häm bu mäs’älälärdä abaylap añlap citkerüne arttıraçaq härtörle tırışlıqnı täq’dir belän qarşılawın belderde.