Ärdoğan Mavritaniyada

Törkiyä ilbaşı Räcäp Tayyip Ärdoğan êşlekle säfär belän Mavritaniyada buldı. Älege däwlätneñ prezidentı Möxämmät Väläd Ğabdelğaziz belän oçraştılar. Anıñ sarayında Ärdoğan öçen tabın äzerlängän ide. Soñınnan Novakşot aêroportında ike ilbaşı jurnalistlar belän oçraştı. Anda ike yaqqa da kerem kiteräçäk proyıktlar êşlänäçägen söylädelär. Ärdoğan bu töbäkkä şäxsi êşmäkärlärne tartu yaqlı. Ul balıqçılıq tarmağında canlanu kürenüenä basım yasıy. Xäzerge waqıtta Mavritaniyada 40lap balıqçı köymäse êşli. Şulay uq şaxtaçılıqta da täcribä urtaqlaşırğa niyätläre bar. Ärdoğan iqtisadi bäyläneşlärneñ däräcäsen kürsätüçe itep Törek hawa yullarınıñ Novakşot aêroportına oçış säfärläre buluın da telgä aldı. Oçraşuda Kudüs teması da kütärelde. Törkiyä ilbaşı şähärneñ xristiannar öçen dä möhim urın buluın xäterlätte. “Amerikanıñ Kudüsne üze öçen ilçelek iğlan itüe bezne totıp tora almaş. Bu mäs’älädä basqan cirebezdän çigenmibez. Kudüs – Fälästinneñ başqalası. Monı iğ’lan ittek inde”, dide ul.

Ärdoğannıñ Könbatış Afrika säräre däwam itä. Mavritaniyädän ul Senegalğa taba xäräkät itte.