İlbaşı Afrika turına kitärga cıyına

Ärdoğannıñ Aljir, Mavritaniya, Senegal häm Malida oçraşular uzdıruı kötelä

İlbaşı Afrika turına kitärga cıyına

Törkiyä ilbaşı Räcäp Tayyip Ärdoğan Aljir, Mavritaniya, Senegal häm Malinı üz êçenä aluçı Afrika turına kitärgä cıyına.  

İlbaşı idaräseneñ matbuğat üzäge beldergänçä, Afrika turı 26 nçı fevral’ – 2 nçe mart könnärenä planlaştırılğan.

Oçraşularda ike yaqlı mönäsäbätlär häm xezmättäşlek, regional’ häm xalıqara mäs’älälärneñ qaraluı kötelä.

Ärdoğan Aljirğa ilbaşı sıyfatında ikençe tapqır säfär qılaçaq.

Säfärneñ ikençe tuqtalışı Mavritaniya bulaçaq.

 Annan soñ ilbaşı säfären Senegalda däwam itteräçäk.

Säfär programmasınıñ soñğı tuqtalışı Mali bulaçaq.

Törkiyä ilbaşı Räcäp Tayyip Ärdoğannıñ Mavritaniya häm Maliğa säfärläre Törkiyädän bu illärgä ilbaşı däräcäsendäge täwge räsmi säfär bulu cähätennän zur ähämiyätkä iyä.

Säfarlär qısasında Aljir häm Senegalda Êş forumnarı ütkärü dä küzdä totıla.



Bäyläneşle xäbärlär