Niderland qararına rizasızlıq arta

Üze 1995nçe yılğı genośid öçen cawaplı Niderlandnı iğ’tibarlı bulıqğa çaqıralar

916672
Niderland qararına rizasızlıq arta

Törkiyä Niderland parlamentınıñ 1915nçe yıl waqıyğaları belän bäyle qararın yuq dip sanıy. Awrupa Berlege êşlärennän cawaplı ministr Ömär Çälik şulay dip belderde. Bilgele bulğança, Niderland mäclese 1915nçe yılğı waqıyğalarnı ärmän genośidı bularaq tanıdı. Ömär Çälik Srebreniśedağı (1995) genośid öçen cawaplı bulğan, yalğış êşlärgä imza atqan  däwlät - Niderlandnıñ bu mäs’älädä tağın da iğ’tibarlı bulırğa tiyeşlegen assızıqlıy. “Törkiyä yağınnan bu qararnıñ kiläçäge yuq”, dide ul. Monnan tış, älege adımnıñ Ärmänstannı yalğızlıqqa êtärüenä dä basım yasadı.

Yaqın tarixqa küz salsaq, Niderlandnıñ genośid mäs’äläsendä çista bulmawın kürerbez. 1995nçe yılnıñ iyül’ ayında serb köçläre barı tik Srebreniśeda ber kön êçendä 8372 bosniyälene üterde. Yözlärçä xatın häm qız balalar köçlände. 20 meñ keşe quıp çığarıldı. Ä bit Srebreniśe Berläşkän Millätlär oyışması tarafınnan “imin bölgä” iğ’lan itelgän häm niderlandlı 400 solıx köçe ğaskäre tarafınnan saqlana ide. Bu säbäple serb höcümnärennän qaçuçı meñnärçä bosniyäle şunda sıyındı. Ämma “solıx ğaskärläre” alarnı 1995nçe yılnıñ 11nçe iyülendä Ratko Miladiçqa tapşırdı. Serb xärbiläre 12 yäş’tän zur balalarnı da kertep ir-atlarnı maşinalarğa töyäp üterergä alıp kitte, xatın-qızlar censi köçläwgä duçar buldı.  



Bäyläneşle xäbärlär