Könçığış Gutadan Ärdoğanğa möräcäğat’

Äsäd rejimı qamalışında qalğan Könçığış Gutada yäşäwçelär Törkiyä ilbaşı Räcäp Tayyip Ärdoğanğa möräcäğat’ itte. Cirle mäcles keşelek faciğasın buldırmaw öçen höcümnärneñ häm blokadanıñ tuqtatıluın sorıy. Alar Äsäd rejimı häm anıñ taraftarı İrannıñ töbäkkä tağın da köçle höcüm äzerläwen xäbär itä. Möräcäğat’tä 5 yıldır däwam itüçe bu wäzğıyät’neñ bigräk tä balalar häm xatın-qızlarda tiran häm berqayçan da betmiyäçäk täêsir qaldıruına, rejim häm Rusiyä xärbi oçqıçlarınıñ yäşäm üzäklärenä, xastaxanälärgä küpsanlı qorallar belän höcüm yasawına basım yasala. Möräcäğat’tä äytelgänçä, Könçığış Gutada yäşäwçelär Törkiyä ilbaşınıñ İslam dön’yası häm xalıqara arenada yoğıntısı zur buluınnan faydalanıp rejimğa häm aña yärdäm itüçe iranlı köçlärgä basım yasawın sorıy. “Çolğanışnı özep gumanitar yärdämnärneñ kerüenä yul açılsın, keşelek faciğası bulmıy qalsın öçen sezne ömetlänep kötäbez”,-diyelgän Törkiyä ilbaşı Räcäp Tayyip Ärdoğanğa yazılğan möräcäğat’tä.

Oppoziśiyäneñ kontrolendä bulğan  Könçığış Gutada yaqınça 400 meñ keşe yäşi. Rejim soñğı 3 köndä 250dän artığın üterde.