"Könnӓn-kön ciñügӓ taba barabız"

Törkiyӓ ilbaşı Ӓrdoğan Afrinda könnӓn-kön ciñügӓ taba baruların ӓytte.

İlbaşı hӓm Ak partiya ğomüm başlığı Ӓrdoğan partiyaseneñ Afyonkarahisardağı kongressında watandaşlarğa mörӓcӓğat’ itte.

Ӓrdoğan Törek qorallı köçlӓreneñ Süriyӓneñ Afrin töbӓgendӓ dӓwam itüçe “Zӓytün botağı” isemle operaśiyasenӓ tuqtaldı.

Xӓrӓkӓtneñ uñışlı baruın hӓm meñ 600 tirӓse terrorçınıñ tӓêsirsez xӓlgӓ kiterelüen assızıqlağan Ӓrdoğan töbӓktӓ 300 km2 lık alanda kontrol’neñ urnaştırıluın belderde.

Törkiyӓ dӓwlӓt başlığı: “Bez Süriyӓle qardӓşlӓrebezneñ qabat tuğan yaqlarına qaytuların telibez. Monıñ öçen tırışabız. Bezneñ Törkiyӓ bularaq Süriyӓ cirlӓrendӓ küzebez yuq. Bezdӓge çatırlarda tügel, üz cirlӓrendӓ alarğa öylӓr tözik,” – dide.

Ӓrdoğan: “Bügen alıp barğan körӓşebezdӓ bezgӓ kürsӓtelgӓn yӓrdӓmnӓrne onıtmayaçaqbız, lӓkin xıyanӓtlӓrne dӓ onıtmabız,” – dide.

Ӓrdoğan zur alğarış tӓêmin itkӓn Törkiyӓneñ monnan soñ üz qoralların citeşterӓ aluın da belderde.