Ärdoğan Putin belän söyläşte
Törkiyä İlbaşı Räcäp Tayyip Ärdoğan Rusiyä Däwlät başlığı Vladimir Putin belän telefonnan söyläşte
İlbaşı idaräse çığanaqları birgän mäğlümatkä kürä, ike yaqlı mönäsäbätlärgä tuqtalıp uzılğan söyläşüdä Afrinda ütkärelüçe “Zäytün botağı” xäräkäte belän bergä Süriyädäge täräqqiyätlär turında fiker almaşıldı.
İlbaşı Ärdoğan “Zäytün botağı” xäräkäteneñ Afrin töbägen “PYD/YPG” häm “DEAŞ”tan arındırunı maqsat itüen belderde.
Törkiyäneñ milli iminlegen ışanıç astına alunı maqsat itüçe bu xäräkätneñ Süriyäneñ säyäsi berlege häm cir bötenlege cähätennän dä möhim öleş kertüenä tuqtalıp uzuçı Ärdoğan Süriyä mäs’äläsendä Rusiyä belän koordinaśiyäle räweştä êşläwgä ähämiyät birüen belderde.
İke lider Rusiyäneñ Soçi qalasında oyıştırılaçaq Süriyä milli dialog kongressınıñ uñışlı buluı häm säyäsi çişeleş yulınıñ açıluı öçen urtaq ğayrätlärne däwam itterü mäs’äläsendä qatğilıqların rasladı.
Bäyläneşle xäbärlär
Terrorçılıqqa qarşı köräş
1 ğıynwardan bügengä qadär täêsirsez xälgä kiterelgän terrorçı sanı 748 buldı