"Amerika citäkçelegeneñ bu qararı yalğış ide"

Törkiyä ilbaşı Räcäp Tayyip Ärdoğan Sudan säfäre qısasında ilbaşı Ömär Äl Bäşir belän urtaq matbuğat oçraşuı ütkärde.

Ärdoğan üz çığışında tübändägelärne citkerde:” Yuğarı däräcäle strategik xezmättäşlek şurası buldıru öçen adım yasadıq. Kiläçäktä şaqtıy tarmaqta yasalaçaq adımnar belän ike il dä uñışqa ireşäçäk. İke il arasındağı säwdä küläme 500 million dollar.Monı berence êtapta 1 milliard dollar ,annan soñ 10 milliard dollarğa citkerü öçen tırışu zarur. Êşmäkärlärebezne Sudanğa kapital salırğa çaqıram”.

Sudan liderı Ärdoğanğa däwlät ordenı da tapşırdı.

Törkiyä ilbaşı soñraq Sudan parlamentına möräcäğät’ itep tübändägelärne citkerde:” Beräw dä bezneñ Fälästindäge, Süriyä, Ğiraq, Liviya, Yämän häm Somalidağı keşelek krizislarına tawış - tınsız qaluıbıznı kötmäsen. Xaqsız, ğadelsez qararlar ışanıçnı beterä, ömet özelügä kiterä. Monıñ soñğı ürnägen Yerusalim belän bäyle täräqqiyät’lärdä kürdek. AQŞ ilbaşı Tramp beräwgä dä soramıyça mondıy qarar qabul itte. Monıñ öçen İslam illäre belän ,xristian dönyası belän söyläşüe kiräk ide. Min - İslam xezmättäşlek oyışmasınıñ çirattağı räise. Minem belän dä Papa belän dä bu xaqta söyläşmäde. Amerika citäkçelegeneñ bu qararı yalğış ide. Monı Berläşkän Millätlär Oyışması iminlek şurasında ütkärelgän tawışqa quyuda da bik açıq kürdek”.