Karlov başqalada iskä alındı

Änkarada qorallı höcüm näticäsendä ğomere özelgän Rusiya Federaśiyäseneñ Änkaradağı tulı wäqalätle ilçese Andrey Karlovnı iskä alu çarası uzdı

872169
Karlov başqalada iskä alındı

 

 Uzğan yıl Törkiyä başqalası Änkarada qorallı höcüm näticäsendä ğomere özelgän Rusiya Federaśiyäseneñ Änkaradağı tulı wäqalätle ilçese Andrey Karlov başqalada iskä alındı.

İlçelektä ütkärelgän çarada Rusiya Federaśiyäseneñ Änkaradağı tulı wäqalätle ilçese Aleksey Yerxov,tışqı êşlär ministrlığı kiñäşçe urınbasarı Ümit Yardım häm Soğud Ğaräbstanınıñ Änkaradağı tulı wäqalätle ilçese Välid bin Abdulkärim äl-Hiräyci,küp sanda diplomatik missiya wäkile qatnaştı.

İskä alu çarasında qatnaşuçılar ilçelek binasında urın alğan Karlov byustına çäçäklär quydı.  

İlçe Yerxov üz çığışında “Xain höcüm tanılğan diplomat, xörmätkä layıq, ışanıçlı häm iskitkeç xezmättäşbezne bezdän ayırdı” dide.

Yerxov Karlov isemeneñ ilçelek urnaşqan uramğa häm ilçelek xezmätkärläre balaları uqığan mäktäpkä birelüen xäterlätte.

İlçe Aleksey Yerxov iskä alu çarasında qatnaşuçı Rusiya parlamentı häm Duma xalıq ışanıçlılarınıñ urtaq problema bulğan terrorğ qarşı köräş xaqında Törkiyädäge xezmättäşläre belän söyläşü öçe Änkarağa kilülären citkerde.  

Törkliyä – Rusiya ictimaği forum räistäşe Äxmät Bärat Çonkar Karlovnıñ ike il mönasabätlären üsterügä üzennän zur öleş kertkän ilçe häm törek cämğiyäteneñ dä xörmäten qazanğan avbruylı şäxes buluın assızıqladı.

Çonkar:”Tulı wäqalätle ilçebezneñ yartılaş qalğan maqsatların cirenä citkerü –barıbıznıñ wazıyfası. İñ möhime-illär arasındağı mönäsäbätlärne üsterügä öleş kertü”,-dide.

İskä alu çarası  pianist İdil Biretneñ çığışı belän däwam itte.  



Bäyläneşle xäbärlär