Yıldırım Könyaq Koreyağa bara

Törkiyӓ premyer-ministrı Binali Yıldırım Könyaq Koreya premyerı Lee Nak-Yeonnıň çaqıruı belӓn 4-6 dekabr’ könnӓrendӓ Könyaq Koreyağa rӓsmi sӓfӓr yasayaçaq.

Ministrlık kabinetı çığanaqlarınnan alınğan mӓğlümatqa kürӓ Yıldırım başqala Seulda Könyaq Koreya premyer-ministrı Lee Nak-Yeon belӓn küreşep söylӓşӓçӓk.

Könyaq Koreya dӓwlӓt başlığı Moon Jae-In tarafınnan qabul itelӓçӓk Yıldırım Milli Parlament başlığı Chung Sye Kyun belӓn dӓ küreşӓçӓk.

Söylӓşülӓrdӓ ike yaqlı sӓyӓsi, iqtisadi, sӓwdӓ, mӓdӓni xezmӓttӓlege ölkӓlӓre belӓn ber rӓttӓn terrorçılıq belӓn körӓş, qaçaqlar probleması, könüzӓk regional’ hӓm xalıqara mӓs’ӓlӓlӓrneň qaraluı kötelӓ.

Premyer-ministr Yıldırım Koreyale şirkӓtlӓrneň yuğarı dӓrӓcӓle citӓkçelӓre belӓn söylӓşü ütkӓrӓçӓk, soňınnan Busandağı törek şӓhitlӓre ziraatına baraçaq.

Yıldırımnıň Könyaq Koreyağa sӓfӓre ike il arasındağı diplomatik mönӓsӓbӓtlӓr qorıluınıň 60 yıllığına turı kilüe uňayınnan ayırım ӓhӓmiyӓtkӓ iyӓ.