Ağımdağı yılnıñ soñğı milli iminlek şurası cıyılışı uzdı

Cıyılış beldergesendä möhim mäs'älälär urın aldı

857284
Ağımdağı yılnıñ soñğı milli iminlek şurası cıyılışı uzdı

Törkiyädä ağımdağı yılnıñ soñğı milli iminlek şurası cıyılışı ilbaşı Räcäp Tayyip Ärdoğan räislegendä cıyıldı.

3 säğät’ yarım däwam itkän cıyılıştan soñ belderge uqıldı.

Beldergedä “Törek Qorallı Köçläreneñ  İdlib kiyerenkelekne kimetü töbägendä küzätü missiyäsen uñışlı räweştä däwam itterüe ,bu wazıyfanı Könçığış Xäleb belän Afrin tiräsendä dä başqaru belän tınıç, imin, ışanıçlı şartlar tudırıla aluı söyläşelde” ğıybaräse iğ’tibarnı cälep itte.  

Beldergedä şulay uq “PKK/PYD-YPG” terror oyışmasınıñ Süriyäneñ qadim demografik strukturasın bozu häm cirgä iyä bulu tırışlıqlarınıñ xalıqara xoquqqa häm keşe xoquqlarına qarşı buluı ,Törkiyäneñ üz iminlegen täêmin itü maqsatı belän ayıruça çik buyı töbägendä tiyeşle çaralar kürüne däwam itäçägenä dä basım yasaldı.

Beldergedä Norvegiyada ütkärelgän NATO xärbi künegülärendä Törkiyä Cömhüriyätenä nigez saluçı Ğazi Mostafa Kämal Atatörek häm Törkiyä xalqı,däwläte wäkile ilbaşı Räcäp Tayyip Ärdoğanğa qarata doşmannarça totış häm ğıybarälärne berniçek tä qabul itep bulmaw tağın ber tapqır assızıqlandı.

Ağımdağı yılnıñ soñğı milli iminlek şurası cıyılışında qabul itelgän beldergedä arakanlı möselmannarğa humanitar yärdäm ireşterü öçen,üz illärenä qayta aluları öçen xalıqara cämäğät’çelekkä yasalğan çaqıru da urın aldı.  

 



Bäyläneşle xäbärlär