Törkiyädä Cömhüriyät bäyräme qotlandı

29nçı üktäbr’ Cömhüriyät bäyräme häm Cömhüriyätneñ 94 yıllığı Törkiyä külämendä häm çit illärdäge wäkilçeleklärdä törle tantanalar, cıyınnar belän qotlandı.

Başqala Änkaradağı berençe tantana Anıtkäberdä oyıştırıldı.

İlbaşı Räcäp Tayyip Ärdoğan räislegendä Törkiyä Böyek Millät Mäclese başlığı İsmail Qahraman, Prem'yer-ministr Binali Yıldırım, “Cömhüriyät xalıq” partiyası Ğomum başlığı Kemal Qılıçdaroğlu, “Millätçe xäräkät” partiyası Ğomum başlığı Däwlät Bahçäli, Ğomum ştab başlığı, armiya generalı Hulusi Akar häm xärbi köç komandirları, prem'yer-ministr urınbasarları, ministrlar häm yuğarı xökem çığaru organnarınıñ citäkçelärennän torğan wäkillek, Arıslan yulınnan barıp, Atatörek mavzoleyına çäçäk bäylämnären saldı. Ber minutlıq tınlıq belän iskä aludan soñ Misakı milli manarasına uzdı.

Anıtkäber maxsus däftären imzalağan İlbaşı Ärdoğan Cömhüriyätebezne tormışqa aşırğan ruxnıñ 94 yıl êlek bulğanı kebek äle dä köçle buluına basım yasadı.

Protokol tantanasınnan soñ Anıtkäber xalıqqa açıldı.

Soñınnan İlbaşı qolliyäsendä täbrikläwlärne qabul itkän Ärdoğan kiçen bäyräm kiçäsen oyıştırdı.

Törkiyä Cömhüriyätenä nigez saluınıñ 94 yıllığı qısalarında il külämendä cıyınnar oyıştırıldı.

Antaliyada 600 metrlıq törek bayrağı kütärep yörtelde.

İzmirdä dä 4 meñ keşedän torğan törkem, beryulı zäybäk biyüen başqarıp, Atatörek portretın sürätläde.