"Rusiyä watandaşları Törkiyädä 90 kön qala alaçaq"

Törkiyäneñ tışqı êşlär ministrı Mäwlüt Çavuşoğlu Rusiyä watandaşlarınıñ Törkiyädä vizasız qalu waqıtın 60 könnän 90 köngä çığaraçaqların äytte.

Antalyanıñ Alanya ilçäsendä 24 ildän kilgän jurnalistlar belän oçraşqan Çavuşoğlu Rusiyä Federaśiyase watandaşlarınıñ monnan soñ Törkiyädä vizasız 90 kön qala alaçaqların citkerde.

Ministr Çavuşoğlu 2015nçe yılda törek hawa kiñlegen bozğan Rusiyä xärbi oçqıçınıñ bärep töşerelüennän soñ barlıqqa kilgän krizistan alda Rusiyä belän zagranpasportsız säyäxät öçen êşçänlek başqaruların xäterlätep, ike yaqlı säyäxät mäs’äläsendä qabat bu däräcägä kilergä teläwlären açıqladı.

Çavuşoğlu Rusiyä watandaşlarınıñ Törkiyädäge vizasız qalu waqıtın 60 könnän 90 köngä citkeräçäklären belderep: “Antalyada häm Alanyada 18 yäşe tulğan 5-6 keşegä watandaşlıq biräçäkbez,” – dide.

Mäwlüt Çavuşoğlu çit ildä yäşäwçe Törkiyä watandaşları häm tuğandaş cämğiyätlärgä qarata da êşçänleklär baqaruların belderde häm Awrupanıñ törkilärne assimilyaśiyaläw tırışlıqların tänqitläde.

Tışqı êşlär ministrı tübändägeçä däwam itte: “Törkiyä çitendä yäşäwçe watandaşlarıbıznıñ ul illärgä ahäñ kürsätüen täşwik itäbez, xätta watandaşlıq aluın täêmin itäbez. Läkin ilebez belän bulğan bağların özülären telämibez, alar da telämi. Awruğa illär isä monnan bik tınıçsız. Çönki alarnıñ ahäñ añlayışı ayırmalı.”