”İke il arasında kapital salu häm turizm êşçänlekläre artaçaq”
Bu xaqta Törkiyä prem’yer-ministrı Ukraina prem’yer-ministrı belän ütkärelgän urtaq matbuğat oçraşuında citkerde
Törkiyä prem’yer-ministrı Binali Yıldırım Ukraina prem’yer-ministrı Vladimir Groysmannı Çankaya sarayında qabul itte.
Oçraşuda iqtisadi kileşülär häm ike il arasında şäxes tanıqlığı belän säyäxät itü kileşüe imzalandı.
Törkiyä prem’yer-ministrı söyläşüdän soň ütkärelgän urtaq matbuğat oçraşuında Ukraina belän säwdä külämen arttıruğa yünälgän adımnar yasalaçağın da citkerde.
Binali Yıldırım:” Söyläşülärdä xezmättäşlekneň artuına basım yasadıq. Turizm tarmağında wäzğiyät’ könnän kön yaxşıra bara. Fän-belem häm mäğärif ölkälärendä ike yaqlı mönäsäbätlärne üsteräçäk kileşü imzaladıq. Ukrainağa şäxsi kemlek ( çit il pasportsız) belän säyäxät kileşüenä qul quydıq”,-dide.
Ukraina prem’yer-ministrı Groysman isä älege kileşülär belän illärneň ber-bersenä tağın da yaqınayuın belderep,”Kileşülär watandaşlarıbıznıň ike yaqlı säyäxätlären ciňeläytä. Regional’ hawa mäydannarınnan ike yaqlı oçışlar başqarılaçaq. İrekle säwdä kileşüe säwdäne ike yaqlı arttıraçaq”dip citkerde.
