Törkiyädän Niderlandqa ike nota

Niderlandnıň Törkiyä ministrlarına qarata kirtäläre häm tınıç maqsatlı cıyılış ütkärü xoquqın qullanğan Törkiyä watandaşlarına naçar möğalämä kürsätü uňayınnan ike nota tapşırıldı

690403
Törkiyädän Niderlandqa ike nota

 

Törkiyädä Niderland ilçese wazıyfaların başqaruçı wäkil bügen irtän öçençe tapqır tışqı êşlär ministrlığına çaqırıldı.

 Törkiyä Niderlandnıň Törkiyä ministrlarına qarata kirtäläre häm tınıç maqsatlı cıyılış ütkärü xoquqın qullanğan Törkiyä watandaşlarına naçar möğalämä kürsätü uňayınnan ike nota tapşırdı.

Aňa tapşırılğan ike notada Törkiyä ministrı Fatma Bätül Sayan Kaya häm yanındağı wäkillek Niderlandta duçar bulğan totışnıň xalıqara qağidälärgä qarşı buluı häm Vena kileşüeneň bozıluı belderelde.

Notada kompensaŝiya xoquqınıň yäşeren totıluı belderelde ,Törkiyä  ministrları häm watandaşlarına qarata qağidälärne bozu oçraqların tikşerü ,monı başqarğan keşelärgä yuridik ,idarä saňksiyäläre qullanu häm näticälären  tışqı êşlär ministrlığına belderü taläp itelde.  

İkençe nota isä Niderland poliŝiyäseneň Rotterdam baş konsullığı yanında cıyılğan töreklärgä qarata qırıs totışı belän bäyle äzerlände.

Notada tınıç maqsatlı rizasızlıq belderüçelärgä qarata poliŝiyanıň çamasız köç qullanuı citkerelde.

Niderland citäkçelege şimbä könne Törkiyä tışqı êşlär ministrı Mävlüt Çavuşoğlunıň oçqıçına hawa mäydanına töşü röxsäte birmäde , ğailä häm soŝial säyäsätlär ministrı Fatma Bätül Sayan Kayanı isä Törkiyäneň Rotterdamdağı baş konsullığına kertmägän ide.

 



Bäyläneşle xäbärlär