Rusiyädä törek şähitllärenä häykäl

Törkiyä belän Rusiyä Federaśiyase arasında imzalanğan şähitlär häykäle kileşüe Törkiyä Böyek Millät Mäclese ğomüm şurasında qabul itelde.

Tawış birüdä qatnaşqan 188 xalıq ışanıçlısı tawışı belän qabul itelgän kileşü qısalarında Berençe bötendönya suğışı yıllarında äsir bulğan häm şähärçeklärdä yaqtı dönyadan kitep, Rusiyäneñ Krasnoyarsk töbägendä cirlängän törek ğaskäriläre istälegenä şähitlär häykäle salınaçaq.

Kileşü nigezendä ayıruça Vladivostok, Petrovsk häm Xırov şähärlärendä urın alğan törek ğaskäriläre qaberläreneñ isemlege äzerlänüe häm bu şähärlärdä dä berär häykälneñ salınuı maqsat itelä.

Älege kileşü 2012nçe yılnıñ 3nçe dekabr’ könne premyer-ministrlar däräcäsendä uzğan Törkiyä – Rusiyä Federaśiyase yuğarı däräcäle xezmättäşlek şurasınıñ 3nçe cıyılışında tışqı êşlär ministrları tarafınnan imzalanğan ide.

Rusiyä kileşü belän bäyle raslaw barışın 2013nçe yılnıñ 11nçe dekabr’endä tämamlağan ide.

Törkiyä Mäclesendä qabul itelgän kileşü belän bäyle qanunnıñ däwlät başlığı tarafınnan raslanıp, Räsmi gazetta basılıp çığuı belän Törkiyädäge xoquq barışı da tögällänäçäk.