Referendum kalendar’ planı bilgele buldı

16nçı aprel’dä ütkäreläçäk konstituśion üzgäreş referendumına qağılışlı saylaw kalendar’ planı “Räsmi Gazete”dä näşer itelde

671808
Referendum kalendar’ planı bilgele buldı

Yuğarı saylaw şurası qabul itkän qararğa kürä, saylaw barışı 16nçı fevral’dä başlanaçaq.

İldäge häm çit ildäge saylawçı isemlekläre 10nçı martta töğäyenläşäçäk.

Çit illärdä 27nçe mart belän 9nçı aprel’ könnäre aralığında tawış bireläçäk.

Saylaw propagandası 9nçı aprel’dä başlanaçaq, 15nçe aprel’dä isä tögällänäçäk.

Törkiyädä saylawçılar töp qanunğa üzgäreş kertü belän bäyle referendumda 16nçı aprel’dä tawış biräçäk.

Konstituśion üzgäreş täqdime referendumda qabul itelgän oçraqta xalıq ışanıçlısı sanı 550dän 600ğa artaçaq, xalıq ışanıçlısı bulıp saylana alınu yäşe 25tän 18gä töşereläçäk.

Törkiyä Böyek Millät Mäclese häm ilbaşı saylawları 5 yılda ber tapqır ber ük könne uzdırılaçaq.

İlbaşı bulıp saylanğan keşeneñ partiyası belän bäyläneşe özelmäyäçäk.



Bäyläneşle xäbärlär