“Färat qalqanı”: 160nçı kön

“Färat qalqanı” xäräkäteneñ 160nçı kön näticäläre

661556
“Färat qalqanı”: 160nçı kön

Törek qorallı köçläreneñ Süriyäneñ tön’yağındağı terror maqsatlarına qarşı alıp barğan “Färat qalqanı” xäräkäteneñ 160nçı könendä “DEAŞ” terror oyışması äğzase 20 terrorçı täêsirsez xälgä kiterelde.

Törek qorallı köçläre mäğlümatlärenä kürä, “DEAŞ” belän bergä terror oyışmaları tudırğan yanawnı yuqqa çığarıp, çik buyı iminlegen arttıru häm koaliśiya köçlärenä yärdäm öçen Süriyäneñ tön’yağında 2016nçı yılnıñ 24nçe avgust könne başlatılğan xäräkät däwam itä. 

Xäräkätneñ 160nçı könendä “DEAŞ” terror oyışmasına bäyle 184 maqsatqa ut açılıp, terrorçı törkemnärneñ êşçänlege basım astına alındı.

Törek hawa köçlärenä bäyle oçqıçlar belän Äl Bab, Tadif häm Bzagah töbäklärendä oyıştırılğan hawa xäräkätendä “DEAŞ” terror oyışmasınıñ 20 binası, 1 xärbi kiräk-yaraqlar saqlağıçı, 2 saqlanu nığıtması yuqqa çığarıldı. Xäräkät waqıtında 20 terrorçı täêsirsez xälgä kiterelde.

Operaśiyälär qısalarında ayıruça 76 granata yuqqa çığarıldı. Operaśiyanıñ başınnan bügengä çaqlı 3 meñ 507 şartlatqıç täêsirsez xälgä kiterelde.

Operaśiyälär waqıtında tınıç xalıqnıñ zarar kürmäwe öçen härtörle çara kürelä.



Bäyläneşle xäbärlär