Çavuşoğlu Latin Amerika turında

Tışqı êşlär ministrı Argentina, Paragvay, Dominik Cömhüriyäte häm Meksikağa bara

661530
Çavuşoğlu Latin Amerika turında

Törkiyäneñ tışqı êşlär ministrı Mäwlüt Çavuşoğlu Argentina, Paragvay, Dominik Cömhüriyäte häm Meksikanı üz êçenä aluçı Latin Amerika turına çıqtı.

Ministr Çavuşoğlunıñ Latin Amerikadağı berençe tuqtalışı – Argentina.

Çavuşoğlunıñ Argentinağa säfäre 2010nçı yılda ber ğasırı tulğan ike yaqlı mönäsäbätlärdä 19 yıldan soñ ilgä tışqı êşlär ministrı däräcäsendä yasalğan berençe säfär bulıp tora.

Älege säfärdä Törkiyä belän Argentina arasında “Tamğaxanä mäs’älälärendä xezmättäşlek häm ike yaqlı yärdäm kileşüe” imzalanaçaq.

Ministr Çavuşoğlunıñ Argentinadan soñ Paravgayğa yasayaçaq säfäre isä Törkiyädän ilgä tışqı êşlär ministrı däräcäsendä çınğa aşaçaq säfär bulaçaq.

Säfärdä Törkiyä häm Paragvay arasında “İke yaqlı hawa transportı kileşüe” belän “Duslıq häm xezmättäşlek kileşüe”neñ imzalanuı küzdä totıla.

Çavuşoğlunıñ Latin Amerikadağı öçençe tuqtalışı isä – Dominik Cömhüriyäte bulaçaq. Säfärdä ike yaqlı mönäsäbätlärneñ üsterelüe häm regional’ oyışmalardağı xezmättäşlek mömkinlekläre qaralaçaq.

Tışqı êşlär ministrı Latin Amerika turın 3nçe fevral’ könne Törkiyäneñ Kön’yaq Amerikadağı berençe strategik partnerı Meksika belän tämamlayaçaq.



Bäyläneşle xäbärlär