"İke yaqlı mönäsäbätlärneñ tağın da kamilläşüenä ışanam"

Bu xaqta Törkiyä ilbaşı Räcäp Tayyip Ärdoğan Madagaskar säfärendä citkerde

"İke yaqlı mönäsäbätlärneñ tağın da kamilläşüenä ışanam"

Törkiyä ilbaşı Räcäp Tayyip Ärdoğan Könçığış Afrika turınıň soňğı tuqtalışı bulğan Madagaskarda.

Qunaqnı Madagaskar ilbaşı Radzaunarimampianina däwlät başlığı sarayında tantanalı räweştä qarşı aldı.

Üzara söyläşüdän soň wäkilleklär arası söyläşülär başlandı.

İke lider söyläşülärdän soň urtaq matbuğat oçraşuı ütkärde.

Ärdoğan matbuğat oçraşuındağı çığışında tübändägelärne citkerde:

“Êşmäkärlärebezneň Madagaskarda küp närsälär başqara aluına ışanam. Mdagaskar izolyaŝiyälängan barışta bez biredä tulı wäqalätle ilçelegebezne açtıq. Humanitar yärdämnärebez belän çın dus buluıbıznı kürsättek. Yärdämläşü häm duslıq aňlayışı belän xalıqnıň küňelen yawlawdan bik qanäğätmen.

Bügenge oçraşularda ike yaqlı mönäsäbätlär xaqında söyläştek. Tulı wäqalätle ilçelegebez açılğaç säwdä külame 60 million dollarğa citte. Monı arttıru zarur. Törek hawa yulları säfärläre belän monıň tağın da artacağına ışanam.

“Fätullahçı terror oyışması/parallel’ däwlät qorılışı xaqında da söyläştek. Bu qorılış turında mağlümat häm dokumentlar birdem. Bu oyışma dön’yanıň 170 urınında êşçänleklären däwam itterä. Duslarıbızğa bez tüntäreleşne kürdek, sez dä moňa duçar bulmağız dip äytäbez”.

 



Bäyläneşle xäbärlär