İlbaşı Madagaskarda

Törkiyä ilbaşı Räcäp Tayyip Ärdoğan Mozambiktağı oçraşuların tögällägännän soň Afrika turınıň öçençe tuqtalışı bulğan Madagaskarğa kitte.

Ärdoğannı  hawa mäydanında Madagaskar prem’yer-ministrı ,tışqı êşlär ministrı häm milli saqlanu ministrı qarşı aldı.

 Qarşı aluçılar arasında Törkiyäneň Antananarivudağı tulı wäqalätle ilçese Volkan Türk Vural da bar ide.

Törkiyä ilbaşınıň älege säfärendä xäläl cefete Äminä Ärdoğan, tışqı êşlär ministrı Mävlüt Çavuşoğlu, iqtisad ministrı Nihat Zäybäkci, ênergetika häm tabiği çığanaqlar ministrı Bärat Albayrak ta qatnaşa.

Räsmi oçraşular Madagaskarğa ilbaşı däräcäsendä yasalğan täwge säfär bulu cähätennän zur ähämiyätkä iyä.

Oçraşularda ike yaqlı mönäsäbätlär belän berrättän regional’ häm xalıqara mäs’älälär dä qaralaçaq.