Täq’dim parlament ğomum şurasında qabul itelde

18 maddädän torğan Töp Qanun üzgäreşe täq’dime 339 tawış belän qabul itelde

656248
Täq’dim parlament ğomum şurasında qabul itelde

 

Törkiyä Böyek Millät Mäclese Töp Qanun üzgäreşe êşçänleklären tögälläde.

18 maddädän torğan Töp Qanun üzgäreşe täq’dime parlament ğomum şurasında 339 tawış belän qabul itelde.

Partiyäle ilbaşı isistemasın küzdä totuçı tärtipkä salu monnan soň xalıqnıň raslawına täq’dim iteläçäk.

Täq’dimneň iň möhim maddäse - ilbaşın däwlätneň häm başqaru, ütäwneň citäkçese itep bilgeläwçe maddä.

Yaňa sistemada ministrlar kabinetı beterelä.

İlbaşı urınbasarları häm ministrlarnı bilgeläyäçäk yäisä wazıyfalarınnan azat itäçäk.

İlbaşı başqaru belän bäyle  mäs’älälärdä qararnamä çığara alaçaq häm ğadättän tış xäl iğlan itä alaçaq.

 Fäqät’ parlament qararı belän ğadättän tış xäl ğamäldän çığarıla alaçaq.

Yaňa sistemada parlament ilbaşınıň êşçänleklären kontrol’ itä ala.

Sud’yalar häm prokurorlar yuğarı şurasınıň iseme Sud’yalar häm prokurorlar şurası itep üzgärtelä.

Äğza sanı 22 dän 13 kä töşerelä.

Oyışmanıň 7 äğzasın parlament,4 äğzasın ilbaşı saylayaçaq.

Xalıq ışanıçlısı häm ilbaşı saylawın 5 yılda 1 tapqır ber ük könne ütkärü küzdä totıla.

Byudjet häm tögäl isäp qanunnarın ilbaşı parlamentqa täqdim itäçäk.

Ğomum şurada qabul itelgän täqdim ilbaşınıň raslawına tapşırlaçaq.

”Räsmi gazet”ta basılıp çıqqannan soň barış planlaştırılğan kebek däwam itkän oçraqta Törkiyädä aprel’ ayında referendum ütkäreläçäk.



Bäyläneşle xäbärlär