Yıldırım: “Süzdän başqa ber êş yasağannarı yuq”

Premyer-ministr Binali Yıldırım, Törkiyäneñ “DEAŞ” terror oyışması berüze köräş alıp baruına basım yasap: “Başqalar süz söyläwdän başqa êş yasamıylar”, - dip äytte.

643550
Yıldırım: “Süzdän başqa ber êş yasağannarı yuq”

Törkiyä Premyer-ministr Binali Yıldırım “Ğadälät häm qalqınu” partiyasınıñ Törkiyä Böyek Millät Mäclesendäge çirattağı atnalıq törkem cıyılışında çığış yasadı.

Yıldırım, Törkiyäneñ 911 çaqrım çige bulğan Süriyädä 6 yıl inde xökem sörüçe watandaşlar suğışı arqasında bik citdi mäğnädä tınıçsız buluına iğtibarnı yünältep, şuşı säbäp belän başlatılğan “Färat qalqanı” operaśiyasınıñ 133nçe könenä citelüen xäterlätte.

Operaśiyälärdä bügengä çaqlı “DEAŞ” äğzase ber meñ 270 terrorçınıñ täêsirsez xälgä kiterelüen, bu sannıñ qulğa alınğannar belän bergä ber meñ 561 buluına basım yasawçı Premyer-ministr Waşington citäkçelegen isä bu köräşkä öleş kertmäw belän tänqitläde.

Premyer-ministr: "Bu mäs’älädä Amerikanıñ da süzdän başqa ber êş yasağanı yuq. Yasağannarı – “YPG/PYD” terror oyışmasına qoral birü. Bez biredä yaña (amerikan) citäkçelegen cawaplı totmıybız. Bu - Obama citäkçelegeneñ säyerlege. Mafiyanı qullanıp mafiyanı ciñü kebek närsä. Mondıy däwlät añlayışı bula alamı?", - dip äytte.

Törkiyäneñ yıllar buyı Amerika Quşma Ştatları belän NATO qarşında bergä buluın assızıqlawçı Binali Yıldırım şaqtıy ölkädä dä strategik urtaqlıqlar buluına işaräläde.

Törkiyä Premyer-ministrı: “Böten bu urtaqlıqqa ber terror oyışmasınıñ zıyan birüenä AQŞ röxsät birmäskä tiyeş. (15nçe iyül’ tüntäreleş kereşüeneñ planlawçısı “Fätullahçı” terror oyışması) “FETÖ” anda, “PKK” separatist terror oyışmasınıñ bäyläneşle törkemnäre yanıbızğa xätle kilep citkän. Närsä êşlisez qardäşem? Qararğa kilegez. Törkiyä belän bergä bulasızmı, yuğisä näces terror oyışmalarına qoçaq açasızmı, qarar qılığız. “PYD” – “PKK” dimäk. Törkiyä Cömhüriyäte monı yaña amerikan citäkçelegennän kötä,” – dip äytte.



Bäyläneşle xäbärlär