“Färat qalqanı”: 127nçe kön

“Färat qalqanı” xäräkäteneñ 127nçe kön näticäläre

639310
“Färat qalqanı”: 127nçe kön

Törek qorallı köçläreneñ äydäp baruçanlığında Süriyäneñ tön’yağındağı terror maqsatlarına qarşı alıp barıluçı “Färat qalqanı” xäräkäte qısalarında Äl Babta “DEAŞ” terror oyışması äğzase 44 terrorçı täêsirsez xälgä kiterelde.

Törek qorallı köçlärennän birelgän mäğlümatkä kürä, “DEAŞ” belän bergä böten terror oyışmaları barlıqqa kitergän yanawnı beterep, çik buyı iminlegen arttıru häm koaliśiya köçlärenä bulışlıq itü öçen Süriyäneñ tön’yağında 24nçe avgustta başlatılğan “Färat qalqanı” xäräkäte däwam itä.

Xäräkätneñ 127nçe könendä oppoziśiyäçel törkemnärdän torğan maxsus wazıyfa köçläreneñ ciröstennän täêmin itelgän tığız ut yärdäme belän Äl Babnıñ alınuına qağılışlı êşçänlege başqarıldı.

Ut näticäsendä “DEAŞ”lı 44 terrorçı täêsirsez xälgä kiterelde, 117 terrorçı yaralandı. “DEAŞ” terror oyışmasına bäyle ber bombalı maşina da yuqqa çığarıldı. Bäreleşlär waqıtında 7 oppoziśioner yaralandı.

“DEAŞ” terror oyışmasınıñ bilgelängän 154 maqsatına ut açıldı.

Atışlar belän terrorçılar qullanğan sıyınır cirlär, saqlanu nığıtmaları, idarä kontrol’ qorılmaları, qorallar häm maşinalarnıñ ber öleşe qullanılmaslıq xälgä kiterelde.

“DEAŞ” terror oyışmasınnan azat itelgän töbäklärdä xäräkät başlanğan könnän birle xäzerge çaqlı 2 meñ 392 şartlatqıç häm 42 mina täêsirsez xälgä kiterelde.



Bäyläneşle xäbärlär