Medvedev - Yıldırım söyläşüe

İke lider Xälebtäge êvakuaśiya operaśiyase belän bäyle fiker alıştı

631668
Medvedev - Yıldırım söyläşüe

Törkiyä premyer-ministrı Binali Yıldırım häm Rusiyä Federaśiyase premyer-ministrı Dmitryi Medvedev Xälebtäge êvakuaśiya operaśiyase belän bäyle fiker alıştı.

Medvedevka şaltıratqan Yıldırım söyläşüdä Xälebtäge êvakuaśiya operaśiyaseneñ iminlek riskı barlıqqa kilmiçä häm tınıç xalıq zıyan kürmiçä alıp barıluı öçen Rusiyäneñ bäyläneşle uyınçılar östendäge täêsiren qullanunı däwam itterüen kötülären citkerde.

Binali Yıldırım Törkiyäneñ humanitar wazğiyätneñ yaxşırtıluı häm êvakuaśiya operaśiyaseneñ alıp barıluı mäs’äläsendä kürgän çaraların da belderde.

Dmitriy Medvedev isä Xälebtäge utnı tuqtatu häm êvakuaśiya operaśiyase mäs’äläsendä kiräkle yärdämne kürsätüne däwam itteräçäklären açıqlap, Yıldırımnıñ wazğiyätneñ sizger buluı belän bäyle raslawına quşıldı.

Mäs’äläne yaqınnan küzätülären äytkän Medvedev rejim häm oppoziśiyaneñ çişeleşkä qarağan säyäsi barışqa täşwik itelüe zarurlığın assızıqladı.

Dmitriy Medvedev şimbä kiçen İstanbulda barlıqqa kilgän häm 44 keşenen ğomere özelgän terror höcümnäre arqasında Törkiyäneñ qayğısı belän urtaqlaşuın häm yaralanuçılarğa şifalar teläwen dä citkerde.

Här ike lider ike yaqlı häm Süriyä belän ber rättän regional’ häm qalğan xalıqara täraqqıyätlär bäyläneşendä yaqın êlemtädä qaluda kileşte häm Ministrlar kabinetları arasında “qaynar liniya” ğamälenä qarata isem häm êlemtä mäğlümatların urtaqlaştı.



Bäyläneşle xäbärlär