Binali Yıldırım Tatarstanda
Törkiyä premyer-ministrı Rusiyägä safäre qısalarında Tatarstanğa kitte
Qazanda oyıştırılğan Törkiyä-Tatarstan êş forumı cıyılışında çığış yasağan Yıldırım: “Rusiyä belän Törkiyä mönäsäbätlärenenñ cayğa salınuı belän Tatarstanda da investiśiyalär artaçaq. Tatarstannıñ üskän buluı mönäsäbätlärebez cähatennän bik ähämiyätle. Ênergetika belän ber rättän Rusiyä Federaśiyase belän zur proyektlar çınğa aşırabız. Bu proyektlarda Tatarstan da urın ala ala. Rusiyä belän däwam itüçe cayğa salu barışındaTatarstan belän mönäsäbätlärne tağın da üsteräçäkbez. 2023nçe yılğa qadär Rusiyä belän 100 milliard dollar säwdä külämenä ireşü kebek niyätebez bar,” – dide.
Törkiyä premyerı tübändägeçä citkerde: “Kiçä Mäskäwdä idek. Medvedev häm Putin belän söyläşülär ütkärdek. Mönäsäbätlärne küzdän kiçerdek. Här ike ilneñ qalqınuı häm mullığı cähatennän yaraqlı şartlarnıñ buluı mäs’äläsendä kileştek. Töbäkneñ iñ köçle illäre Rusiyä häm Törkiyä mönäsäbätläre üsäçäk. Bu mönäsäbätlär ênergetika belän genä çikle tügel. Şaqtıy tarmaqnı üz êçenä alaçaq räweştä törländereläçäk. Monıñ asqorıması äzer.”
Bäyläneşle xäbärlär
Törkiyädän Ğazzägä 8nçe yärdäm korabı kitä
Fälästin xalqına 2 meñ 960 tonna awırlığında 125 meñ azıq-tölek cıyılması cibärelä