Lavrov Antaliyada

Törkiyäneñ tışqı êşlär ministrı Mäwlüt Çavuşoğlu häm qunaq xezmättäşe Alanya ilçäsendä Törkiyä-Rusiyä Urtaq strategik planlaw törkemeneñ 5nçe cıyılışında qatnaşaçaq.

Premyer-ministr Binali Yıldırım 5-6nçı dekabr’ könnärendä Rusiyägä yasayaçaq säfärennän alda oyıştırılğan cıyılışta ike yaqlı mönäsäbätlär häm xalıqara kön tärtibe qaralaçaq.

Hawa kiñlegen bozğan Rusiyä oçqıçınıñ 2015nçe yılnıñ 24nçe noyabr’ könne töşerelüennän soñ tuqtap qalğan ike yaqlı mönäsäbätlärdä başlanğan bu yaña çorda berençe tapqır ütkäreläçäk cıyılışta iqtisad, ênergetika, turizm, saqlanu sänägätendä xezmättäşlek mäs’äläläre belän ber rättän Ukraina häm Süriyädäge soñğı wazğiyätneñ dä quzğatıluı kötelä.

Soñğı tapqır Törkiyädä uzğan Bötendönya Ênergetika kongressında 10nçı üktäbr’ könne İstanbulda küreşkän ike xezmättäşneñ Törek Ağımı belän Aqqoyı atom-töş üzäk stansiya proyektlarında ireşelgän soñğı êtapnı da bäyäläwe kötelä.

İke yaqlı mönäsäbätlärne cayğa salu adımnarı qısalarında Rusiyädän Törkiyägä kilüçe turist sanınıñ qabat 4 million yarımğa citüenä qarağan êşçänleklär dä qaralaçaq cıyılışnıñ turizm belän alğı planğa çığuçı Antaliyaneñ Alanya ilçäsendä uzuı simvolik mägnägä iyä.

Ciläk-cimeş häm yäşelçä citeşterü mäs’äläsendä dä möhim şähär bulğan Antalyada oyıştırılaçaq bu cıyılışta Rusiyädä çikläw qabul itelgän törek azıq-tölek häm igençelek êşlänmälären tıyunı beterü, törek şirkät häm êşmäkärlärenä qarata qullanılğan çikläwlärneñ beterelüe kebek mäs’älälärneñ dä qaraluı kötelä.Lavrov Antaliyada