Ömär Çälik Bryussel’ğa bara

Törkiyäneñ Awrupa Berlege êşlärennän cawaplı ministrı Ömär Çälik Awrupa Parlamentı uzğan atnada qabul itkän “Törkiyä belän söyläşülärneñ tuñdırıluı”na qarağan kiñäş qararınnan soñ Belgiya başqalası Bryussel’ğa bara.

Ministr Çälikneñ safäre 29-30nçı noyäbr’ könnärendä çınğa aşaçaq.

Törek ministrı Bryussel’da Awrupa Berlege Komissiyase başlığı urınbasarı Frans Timmermans belän küreşep söyläşäçäk.

Söyläşüdä Törkiyä - Awrupa Berlege mönäsäbätlärendäge soñğı täraqqıyätlar qaralaçaq.

Terrorçılıqqa qarşı köräş belän ber rättän Kire qabul itü kileşüe, Törkiyä watandaşlarına vizasız säyäxät häm ênergetika ölkäsendä Awrupa Berlege belän xezmättäşlek mäs’äläläre quzğatılaçaq.

Awrupa Berlege ministrı Çälik Bryusselda Migraśiya, êçke êşlär häm watandaşlıqtan cawaplı Awrupa Berlege komissiyase äğzase Dimitris Avramopulos häm Ênergetikadan cawaplı Awrupa Berlege Komissiyase äğzase Migel’ Arias Sanete belän küreşäçäk.

Ömär Çälik ictimaği oyışmalar, media häm êş dönyası wäkilläre belän dä oçraşaçaq.

Çälik Awrupa Berlege Komissiyase tarafınnan qaçaq balalarnıñ belem aluı öçen oyıştırılaçaq “Ğadättän tış xällärdä belem birü forumı” isemle cıyılışta çığış yasayaçaq.