“Törkiyä iqtisadı 15 nçe iyül’dä olı sınaw aşa uzdı”

Bu xaqta ilbaşı Ärdoğan Törkiyä - Belarus’ Êş forumında yasağan çığışında citkerde

609256
“Törkiyä iqtisadı 15 nçe iyül’dä olı sınaw aşa uzdı”

 

11 nçe noyabr’dä Belarus’qa räsmi säfär yasağan Törkiyä ilbaşı Räcäp Tayyip Ärdoğan Törkiyä - Belarus’ Êş forumında qatnaşıp çığış yasadı.

Belarus’qa uzğan aylarda planlaştırğan säfäreneñ “Fätullahçı terror oyışması”nıñ 15 nçe iyül’däge tüntäreleş kereşüe arqasında kiçekterelüen belderüçe Ärdoğan tüntäreleşçelärneñ törek milläteneñ qıyulığı häm fidaqärlege belän ciñelügä duçar buluın citkerde.

Törkiyä ilbaşı awır könnärendä Törkiyäneñ yanında bulıp aña yaqlaw kürsätkän ilbaşı Lukaşenko häm Belarus’ xalqına räxmätlären belderde.  

Ärdoğan nigeze nıq köçle Törkiyä iqtisadınıñ 15 nçe iyül’dä olı sınaw aşa uzuına basım yasadı.

Törkiyä iqtisadınıñ totrıqlı räweştä yulın däwam itterüen belderüçe Ärdoğan xalıqara investorlarnıñ Törkiyägä ışanunı däwam itüläre turında äytülären häm monı açıq räweştä kürsätülären citkerde.

Törkiyä ilbaşı zur külämle proyektlar häm kapital salularnıñ däwam itüen dä assızıqladı.

Ärdoğan 2003 nçe yılda 49 million dollar bulğan  ike il arasındağı tışqı säwdä külämeneñ  2013 nçe yılda 545 million dollarğa citüen belderde.

Maqsatlarınıñ monı berençe êtapta 1 million dollarğa citkerü buluın äytte.

Belarus’ firmalarınıñ  da Törkiyägä kapital saluın kötülären beldergän Ärdoğan ike il hawa yullarınıñ da ike yaqlı säfärlär oyıştıruın da teläwlären citkerde.  

Uzğan yıl yal itü öçen Belarus’tan Törkiyägä 204 meñ keşe kilüen äytüçe ilbaşı Ärdoğan monıñ möhim adım buluın citkerep:”Törkiyädän Belarus’qa, Belarus’tan Törkiyägä barıp qaytular artsın”,-dide.  

İlbaşı programması tämamlanğannan soñ Törkiyägä qayttı.



Bäyläneşle xäbärlär